అవలంగిలో పాతకాలపు దసరా వేడుకలకు పునరుజ్జీవం

శ్రీకాకుళం జిల్లా అవలంగిలోని జేబీటీ విద్యాసంస్థ పాతకాలపు దసరా సంప్రదాయాలను కొనసాగిస్తోంది. మూలా నక్షత్రం రోజున సరస్వతీ పూజ అనంతరం చిన్నారులు బాణాలు తయారు చేసి ఇంటింటికీ తిరుగుతూ సంప్రదాయ పాటలు పాడుతున్నారు. చిన్నారులకు అటుకులు, బెల్లం, పెసరపప్పు, మిఠాయిలు అందిస్తున్నారు. కనుమరుగవుతున్న సంప్రదాయాలను పిల్లలకు పరిచయం చేయడమే లక్ష్యమని నిర్వాహకులు తెలిపారు.