అంతగిరి గ్రామంలో బీజేపీ నేతలు నిరసన

ఇల్లంతకుంట మండలం అంతగిరి గ్రామంలోని కమాన్ వద్ద బిజెపి నాయకులు సోమవారం ఉదయం నిరసన కార్యక్రమం చేపట్టారు. అంతగిరి నుండి పెద్ద లింగాపూర్ వెళ్లే ప్రధాన రహదారి పూర్తిగా గుంతలతో అధ్వానంగా మారిందని, వాహనదారులు ఇబ్బందులు ఎదుర్కొంటున్నారని తెలిపారు. గత బిఆర్ఎస్, ప్రస్తుత కాంగ్రెస్ డబుల్ రోడ్డు వేస్తామని హామీలు ఇచ్చి మరిచారని మండిపడ్డారు. వెంటనే రోడ్డు నిర్మాణం చేపట్టాలని డిమాండ్ చేశారు.