అనపర్తి లోక్‌ అదాలత్‌లో 604 కేసుల పరిష్కారం

​అనపర్తి జూనియర్ సివిల్ కోర్టులో శనివారం న్యాయమూర్తి వంశీకృష్ణ ఆధ్వర్యంలో జరిగిన జాతీయ లోక్‌ అదాలత్‌లో రికార్డు స్థాయిలో 604 కేసులు రాజీమార్గంలో పరిష్కారమయ్యాయి. వీటి ద్వారా కక్షిదారులకు రూ. 1,03,95,753/- పరిహారం లభించింది. సుదీర్ఘకాలంగా పెండింగ్‌లో ఉన్న సివిల్, క్రిమినల్ కేసులను ఇరువర్గాలు సఖ్యతతో ముగించుకున్నాయని న్యాయమూర్తి తెలిపారు. ఈ కార్యక్రమంలో న్యాయవాదులు, కక్షిదారులు పాల్గొన్నారు.