అంగన్‌వాడీ కేంద్రంలో చిన్నారిని వదిలేసి తాళం వేసిన ఆయా

కరీంనగర్‌ జిల్లా గంగాధర మండలం ఇస్లాంపూర్‌ అంగన్‌వాడీ కేంద్రంలో మూడేళ్ల చిన్నారి అమ్రిన్‌ నిద్రిస్తుండగా గమనించని ఆయా, గదికి తాళం వేసి వెళ్లిపోయారు. దాదాపు నాలుగు గంటలపాటు చిన్నారి గదిలోనే బిక్కుబిక్కుమంటూ ఉండగా, స్థానికులు గుర్తించి రాత్రి 8 గంటలకు తాళం తీసి బయటకు తీసుకువచ్చారు. ఈ ఘటనపై ఐసీడీఎస్‌ సీడీపీవో విచారణ జరిపి, ఆయా లచ్చమ్మతో పాటు ఇన్‌ఛార్జి టీచర్, సూపర్‌వైజర్‌కు మెమోలు జారీ చేశారు.