భారీ వర్షాల హెచ్చరికతో అమర్‌నాథ్ యాత్ర నిలిపివేత

జమ్మూ డివిజన్‌లో భారీ వర్షాల హెచ్చరిక నేపథ్యంలో అధికారులు శనివారం అమర్‌నాథ్ యాత్రను తాత్కాలికంగా నిలిపివేశారు. జమ్మూ నుంచి కాశ్మీర్ లోయకు యాత్రికుల తాజా బ్యాచ్‌ను అనుమతించలేదు. శుక్రవారం నాటికి 4.75 లక్షలకు పైగా భక్తులు అమర్‌నాథ్ గుహలో దర్శనం చేసుకున్నారు. వాతావరణ పరిస్థితులు, జమ్మూ-శ్రీనగర్ జాతీయ రహదారి స్థితిని సమీక్షించిన అనంతరం యాత్రపై తదుపరి నిర్ణయం తీసుకోనున్నారు.