ఎయిర్‌పోర్టుల్లో ముఖ గుర్తింపు డేటా ఏకీకరణ

దేశంలోని ప్రధాన విమానాశ్రయాల ముఖ గుర్తింపు డేటాను ఏకీకృతం చేసేందుకు ఢిల్లీలో 'డేటా ఫ్యూజన్‌ సెంటర్‌'ను ఏర్పాటు చేయాలని సీఐఎస్‌ఎఫ్‌ (CISF) యోచిస్తోంది. కేంద్ర హోం శాఖ పరిశీలనలో ఉన్న ఈ ప్రాజెక్ట్ ద్వారా విమానాశ్రయాల భద్రతను అనుసంధానిస్తారు. రాబోయే రోజుల్లో సీఐఎస్‌ఎఫ్‌ పరిధిలోని 1.5 లక్షల సీసీటీవీ కెమెరాలను కూడా దీనికి అనుసంధానించి, ఒక సమగ్ర కమాండ్‌ అండ్‌ కంట్రోల్‌ సెంటర్‌ను ఏర్పాటు చేయనున్నట్లు డీజీ ప్రవీణ్‌ రంజన్‌ తెలిపారు.