అహ్మదాబాద్‌లో భారీ ఫారెక్స్ స్కామ్

గుజరాత్‌లోని అహ్మదాబాద్ సైబర్ క్రైమ్ పోలీసులు 'మ్యూల్ హంట్ 2.0' ఆపరేషన్ ద్వారా భారీ ఫారెక్స్ ట్రేడింగ్ మోసాన్ని ఛేదించారు. నకిలీ 'రోబోఫారెక్స్' పెట్టుబడి పథకాలతో ప్రజలను వంచిస్తున్న ఐదుగురు నిందితులను అరెస్ట్ చేశారు. నిందితులు అమాయకుల బ్యాంక్ ఖాతాలను (మ్యూల్ అకౌంట్స్) వాడుకుని లావాదేవీలు జరిపినట్లు పోలీసులు గుర్తించారు. ఈ ఖాతాల ద్వారా దేశవ్యాప్తంగా రూ.15.31 కోట్ల విలువైన 31 సైబర్ నేరాలకు పాల్పడినట్లు స్టేట్ సైబర్ సెంటర్ ఆఫ్ ఎక్సలెన్స్ ఎస్పీ డాక్టర్ రాజ్‌దీప్ సింగ్ జాలా వెల్లడించారు.