విద్యార్థులతో పనులు చేయిస్తే చర్యలు: ఎమ్మెల్యే

మిర్యాలగూడ మండలం తుంగపాడు తెలంగాణ మోడల్ స్కూల్‌ హాస్టల్‌లో విద్యార్థులతో పనులు చేయిస్తున్నారన్న ఫిర్యాదులపై ఎమ్మెల్యే బత్తుల లక్ష్మారెడ్డి ఆకస్మికంగా తనిఖీ చేశారు. విద్యార్థుల విద్య, ఆరోగ్యం, భద్రతకు ఆటంకం కలిగించరాదని హెచ్చరించారు. విద్యార్థులతో పనులు చేయించినట్లు నిర్ధారణ అయితే బాధ్యులపై కఠిన చర్యలు తీసుకుంటామని స్పష్టం చేశారు. విద్యార్థుల హక్కులు, సంక్షేమంలో రాజీ ఉండదని తెలిపారు.