ఆగస్టు 4న జన్నారం మండల సాధారణ సమావేశం

జన్నారం మండల సాధారణ సమావేశాన్ని నిర్వహించనున్నామని స్థానిక ఎంపీడీవో ఉమర్ షరీఫ్ తెలిపారు. శనివారం ఆయన మాట్లాడుతూ జన్నారం మండల కేంద్రంలోని ఎంపీడీవో కార్యాలయ సమావేశం మందిరంలో ఆగస్టు 4న మండల సాధారణ సమావేశం ఉంటుందన్నారు. ఈ సమావేశానికి ఖానాపూర్ ఎమ్మెల్యే బొజ్జు హాజరు కానున్నారని, ఇందులో మండల సమస్యలపై చర్చిస్తామన్నారు. ఈ సాధారణ సమావేశానికి మండలంలోని అన్ని శాఖల అధికారులు, సర్పంచులు సకాలంలో రావాలన్నారు.