ఆధ్యాత్మికవేత్త కల్కి భగవాన్‌ కన్నుమూత

ప్రముఖ ఆధ్యాత్మికవేత్త కల్కి భగవాన్‌ (85) మంగళవారం కన్నుమూశారు. తీవ్ర అస్వస్థతతో 10 రోజులుగా చెన్నైలోని ప్రైవేటు ఆసుపత్రిలో చికిత్స పొందుతూ మధ్యాహ్నం 3 గంటలకు తుదిశ్వాస విడిచారు. బుధవారం ఆయన పార్థివదేహాన్ని వరదయ్యపాళెంలోని ఏకం ఆలయానికి తరలించి భక్తుల సందర్శనార్థం ఉంచనున్నారు. శనివారం ఆలయంలోనే అంత్యక్రియలు నిర్వహించేందుకు ఏర్పాట్లు చేస్తున్నారు.