విదేశీ భారతీయులకు ఆధార్ కష్టాలు

భారతీయ మూలాలు, ఆస్తులు ఇక్కడే ఉన్నప్పటికీ విదేశీ పౌరసత్వం (OCI) కలిగిన భారతీయులు స్వదేశంలో ఆధార్ కార్డు పొందడం కష్టంగా మారింది. దరఖాస్తు చేయడానికి ముందు ఏడాదిలో కనీసం 182 రోజులు భారతదేశంలో నివసించి ఉండాలనే నిబంధన దీనికి ప్రధాన అవరోధంగా మారింది. యూఐడీఏఐ వీరందరినీ 'రెసిడెంట్ ఫారినర్' విభాగంలో పరిగణిస్తుండటంతో, అమెరికా సహా వివిధ దేశాలలో స్థిరపడిన అనేక భారతీయ కుటుంబాలు తీవ్ర ఇబ్బందులు ఎదుర్కొంటున్నాయి.