ప్రాణం తీసిన రూ.500 గడియారం

రూ.500 చేతి గడియారం కోసం ఇరుగుపొరుగు మధ్య జరిగిన వివాదం ఒకరి ప్రాణం తీయగా.. దాదాపు మూడు దశాబ్దాలకు ఆ కేసు సుప్రీంకోర్టులో పరిష్కారమైంది. 1997లో పదంసింగ్ తన వాచీని మనువాకు రూ.500లకు విక్రయించాడు. దాన్ని వెనక్కి ఇచ్చే క్రమంలో గొడవ జరిగి, మనువా తన స్నేహితులతో కలిసి నెట్టేయడంతో పదంసింగ్ కాల్వలో పడి మృతి చెందాడు. ఈ కేసులో ముగ్గురు దోషులకు కోర్టు శిక్ష విధించగా ఇద్దరు మరణించారు. ప్రాణాలతో ఉన్న మూడో వ్యక్తి వయసు 60 ఏళ్లు దాటడం, అప్పటికే ఏడాదిన్నర జైలుశిక్ష అనుభవించడంతో సుప్రీంకోర్టు ఈ కేసును ముగించింది.