కల్తీ కారం నమూనాల్లో 20 ప్రమాదకరమని నిర్ధారణ

వరంగల్‌ ఎనుమాముల వ్యవసాయ మార్కెట్‌ పరిధిలో స్వాధీనం చేసుకున్న కల్తీ కారం నమూనాల్లో 20 ప్రమాదకరమైనవిగా, మరో రెండు నాణ్యత లేనివిగా పరీక్షల్లో తేలాయి. మొత్తం 22 నమూనాలను ప్రయోగశాలకు పంపగా ఈ ఫలితాలు వచ్చాయి. కల్తీగా తేలిన సరుకుపై తదుపరి చర్యల విషయంలో అనుమానాలు వ్యక్తమవుతున్నాయి. స్వాధీనం చేసిన సరుకు వివరాలపై రికార్డులను పరిశీలించిన తర్వాత పూర్తి వివరాలు వెల్లడిస్తామని అధికారులు తెలిపారు.