శ్రీవారి సన్నిధిలో 19 రకాల మేళవాయిద్యాలు

సుప్రభాతం నుంచి ఏకాంతసేవ వరకు శ్రీవారి నిత్యకైంకర్యాల్లో 19 రకాల సంప్రదాయ వాద్యాలతో మేళవాయిద్యాలు కొనసాగుతున్నాయి. సాధారణ రోజుల్లో సుమారు 14 సార్లు వినిపించే ఈ నాదం బ్రహ్మోత్సవాల్లో మరింత ఘనంగా మార్మోగుతుంది. ఏకాంతసేవలో మృదువైన వాద్య నాదంతో స్వామివారిని జోలపాడి నిద్రపుచ్చినట్లుగా భావిస్తారు. శతాబ్దాలుగా కొనసాగుతున్న ఈ సంప్రదాయాన్ని టీటీడీ సంగీత కళాశాల, నాదనీరాజనం వేదిక ద్వారా పరిరక్షిస్తోంది.