19 మంది వైసీపీ నేతలకు 41ఏ నోటీసులు

కోవూరు నియోజకవర్గంలో మాజీ ఎమ్మెల్యే నల్లపరెడ్డి ప్రసన్నకుమార్‌రెడ్డితో పాటు మరో 18 మంది వైసీపీ నేతలకు ఇందుకూరుపేట పోలీసులు 41ఏ నోటీసులు జారీ చేశారు. డీఎస్సీ అక్రమాలను వ్యతిరేకిస్తూ ఇటీవల నిర్వహించిన నిరసన ర్యాలీ నేపథ్యంలో ఈ నోటీసులు ఇచ్చారు. అనుమతులు లేకుండా నిబంధనలకు విరుద్ధంగా ర్యాలీ నిర్వహించారని పోలీసులు కేసు నమోదు చేశారు. ఈ మేరకు బుధవారం 19 మంది నేతలకు నోటీసులు అందజేశారు.