విండోస్‌ 11 అప్‌డేట్స్‌పై యూజర్లకు ఊరట

విండోస్ 11 అప్‌డేట్లను ఇకపై మీకు నచ్చినన్ని రోజులు వాయిదా వేసుకోవచ్చు. 35 రోజుల పరిమితిని మైక్రోసాఫ్ట్ తొలగించింది. అలాగే, అప్‌డేట్‌తో సంబంధం లేకుండా కంప్యూటర్‌ను రీస్టార్ట్ లేదా షట్‌డౌన్ చేసే వెసులుబాటు కల్పించింది. ఈ ఫీచర్ ప్రస్తుతం ఇన్‌సైడర్ వినియోగదారులకు అందుబాటులో ఉంది. త్వరలోనే సాధారణ యూజర్లందరికీ మైక్రోసాఫ్ట్ ఈ సదుపాయాన్ని అందుబాటులోకి తీసుకురానుంది.