ధాన్యం సేకరణపై హరీశ్ రావు ఆగ్రహం

వడ్ల కొనుగోళ్లలో ప్రభుత్వ నిర్లక్ష్యం వల్ల రైతులు కళ్లాల్లోనే ప్రాణాలు కోల్పోతున్నారని హరీశ్ రావు విమర్శించారు. చౌటుప్పల్ మార్కెట్‌ను సందర్శించిన ఆయన, ఎండల తీవ్రతకు రైతులు అల్లాడుతున్నా మంత్రులు పట్టించుకోవడం లేదని మండిపడ్డారు. యుద్ధ ప్రాతిపదికన ధాన్యం సేకరించాలని ఆయన డిమాండ్ చేశారు. అకాల వర్షాల ముప్పు పొంచి ఉన్నందున, ప్రభుత్వం వెంటనే స్పందించి రైతులను ఆదుకోవాలని కోరారు. కేసీఆర్ పాలనలో రైతులకు ఇలాంటి కష్టాలు లేవని ఆయన గుర్తుచేశారు.