రామన్నపల్లిలో కేటీఆర్ సందడి: దత్తత గ్రామంలో అంబేద్కర్ విగ్రహావిష్కరణ

రాజన్న సిరిసిల్ల జిల్లా తంగళ్లపల్లి మండలంలోని తన దత్తత గ్రామం రామన్నపల్లికి బీఆర్ఎస్ వర్కింగ్ ప్రెసిడెంట్ కేటీఆర్ విచ్చేస్తున్నారు. అక్కడ నూతనంగా నిర్మించిన డాక్టర్ బి.ఆర్. అంబేద్కర్ విగ్రహాన్ని ఆయన ఘనంగా ఆవిష్కరించనున్నారు. ఈ కార్యక్రమం కోసం పార్టీ స్థానిక నేతలు ఏర్పాట్లను పూర్తి చేశారు. తెలంగాణ ఉద్యమ కాలం నుండి బీఆర్ఎస్‌కు అండగా ఉన్న ఈ గ్రామాన్ని, కేసీఆర్, కేటీఆర్ దత్తత తీసుకుని ఆదర్శవంతంగా తీర్చిదిద్దారు. విగ్రహావిష్కరణకు కేటీఆర్ వస్తుండటంతో స్థానికుల్లో ఉత్సాహం నెలకొంది.