ప్రపంచ ఫార్మా దిగ్గజాల జాబితాలోకి సన్‌ఫార్మా: భారీ డీల్‌తో అమెరికా సంస్థ సొంతం!

అమెరికాకు చెందిన ‘ఆర్గానన్‌ అండ్‌ కో’ సంస్థను సన్‌ఫార్మా కొనుగోలు చేస్తోంది. ఈ భారీ ఒప్పందం విలువ సుమారు 11.75 బిలియన్ డాలర్లు (దాదాపు లక్ష కోట్ల రూపాయలు)గా అంచనా. ఒక్కో షేరుకు 14 డాలర్ల చొప్పున ఈ కొనుగోలు పూర్తిగా నగదు రూపంలో జరగనుంది. ఈ వ్యూహాత్మక కొనుగోలు ద్వారా సన్‌ఫార్మా ప్రపంచంలోని టాప్ 25 ఫార్మా కంపెనీల సరసన చేరనుంది. అంతర్జాతీయ ఫార్మా మార్కెట్‌లో తన పట్టును మరింత బలోపేతం చేసుకునే దిశగా అడుగువేసింది.