జియోస్టార్‌పై 'జీ' కాపీరైట్ సమరం

తమ మ్యూజిక్ లైబ్రరీని అనధికారికంగా వాడుతున్నారంటూ జియోస్టార్‌పై జీ ఎంటర్‌టైన్‌మెంట్ ఢిల్లీ హైకోర్టును ఆశ్రయించింది. ఒప్పందం ముగిసినా కంటెంట్ వాడటం వల్ల తమకు నష్టం వాటిల్లిందని ఆరోపిస్తూ, రూ. 27 కోట్ల పరిహారం కోరింది. ఈ వివాదాన్ని కోర్టు మధ్యవర్తిత్వానికి బదిలీ చేసింది. తుది నిర్ణయం వచ్చే వరకు జీ కంటెంట్‌ను ప్రసారం చేయకూడదని జియోస్టార్‌ను ఆదేశించింది. సాంకేతిక లోపాల వల్లే పాత ఫైల్స్ ఉండిపోయాయని జియోస్టార్ కోర్టుకు వివరించింది.