అంబర్‌పేటలో భారీ అగ్నిప్రమాదం: భయాందోళనలో స్థానికులు

హైదరాబాద్ అంబర్‌పేటలోని మహీంద్రా సర్వీస్ సెంటర్‌లో అకస్మాత్తుగా మంటలు చెలరేగాయి. ఆరు నంబర్ చౌరస్తా ప్రాంతమంతా దట్టమైన పొగ కమ్మేయడంతో స్థానికులు తీవ్ర ఆందోళన చెందుతున్నారు. సమాచారం అందుకున్న అగ్నిమాపక సిబ్బంది ఘటనాస్థలికి చేరుకుని మంటలను ఆర్పేందుకు తీవ్రంగా శ్రమిస్తున్నారు. షోరూం సమీపంలోని నివాస సముదాయాల నుంచి ప్రజలను అధికారులు సురక్షిత ప్రాంతాలకు తరలిస్తున్నారు.