వైసీపీ హయాంలో వ్యవసాయం నిర్వీర్యం: అచ్చెన్నాయుడు

గత పాలనలో వ్యవసాయ, నీటిపారుదల రంగాలు నిర్లక్ష్యానికి గురయ్యాయని మంత్రి అచ్చెన్నాయుడు ఆరోపించారు. రాష్ట్ర అభివృద్ధికి కేంద్రం సహకరిస్తోందని, సంక్షేమ పథకాలను సమర్థవంతంగా అమలు చేస్తున్నామని ఆయన పల్నాడులో పేర్కొన్నారు. రైతులు ఆధునిక సాంకేతికతను అందిపుచ్చుకోవాలని, సేంద్రీయ సాగుపై దృష్టి సారించాలని మంత్రి సూచించారు. ఎరువుల వాడకాన్ని తగ్గించి, శాస్త్రవేత్తల సలహాలతో నాణ్యమైన పంటలు పండించి అధిక లాభాలు పొందాలని ఆయన కోరారు.