యూట్యూబ్‌లో మళ్ళీ డైరెక్ట్ మెసేజింగ్ ఫీచర్

ప్రముఖ వీడియో ప్లాట్‌ఫాం యూట్యూబ్ తన డైరెక్ట్ మెసేజింగ్ (DM) ఫీచర్‌ను తిరిగి అందుబాటులోకి తెస్తోంది. 18 ఏళ్లు పైబడిన వినియోగదారులు యాప్ వీడకుండానే వీడియోలు, షార్ట్స్‌ను నేరుగా సన్నిహితులతో పంచుకోవచ్చు. దీని కోసం ప్రత్యేక ఇన్వైట్ లింక్ ద్వారా చాటింగ్ ప్రారంభించాల్సి ఉంటుంది. 2019లో నిలిపివేసిన ఈ ఫీచర్‌ను యూట్యూబ్ మళ్లీ ప్రవేశపెడుతోంది. గతేడాది నవంబర్ నుంచి దీనిని పరీక్షిస్తున్నారు. యూజర్ల వయస్సు నిర్ధారణ తర్వాతే ఈ సదుపాయం యాక్టివేట్ అవుతుంది. యాప్‌లో కుడివైపు పైన ఈ ఫీచర్ అందుబాటులో ఉంటుంది.