‘యువ సంగ్రామ సభ’కు హైకోర్టు గ్రీన్ సిగ్నల్

బీఆర్ఎస్ ప్రతిష్టాత్మకంగా నిర్వహించనున్న ‘యువ సంగ్రామ సభ’కు తెలంగాణ హైకోర్టు ఎట్టకేలకు అనుమతినిచ్చింది. రేపు సరూర్‌నగర్ స్టేడియంలో సభ నిర్వహణకు గ్రీన్ సిగ్నల్ ఇస్తూనే, శాంతిభద్రతల పరిరక్షణ కోసం నిర్వాహకులకు కొన్ని కీలక షరతులను విధించింది. సభ కారణంగా ప్రజలకు ఎలాంటి ఇబ్బందులు కలగకూడదని, పోలీసుల నిబంధనలను తప్పనిసరిగా పాటించాలని కోర్టు స్పష్టం చేసింది. శాంతిభద్రతలకు విఘాతం కలగకుండా సభను విజయవంతం చేయాల్సిన పూర్తి బాధ్యత నిర్వాహకులదేనని న్యాయస్థానం పేర్కొంది.