బరువు తగ్గాలనుకుంటున్నారా? రోజుకు ఎన్ని చపాతీలు తినాలో తెలుసా.. ఈ పొరపాట్లు అస్సలు చేయకండి!

బరువు తగ్గాలనుకునే వారు రోజుకు సగటున రెండు నుండి మూడు చపాతీలు మించకుండా తీసుకోవాలని పోషకాహార నిపుణులు సూచిస్తున్నారు. చాలామంది అన్నం మానేసి ఐదు లేదా ఆరు చపాతీలు తింటుంటారు, ఇది పెద్ద పొరపాటు. గోధుమల్లో కూడా కార్బోహైడ్రేట్లు ఉంటాయని, మోతాదు మించితే బరువు తగ్గడానికి బదులు పెరుగుతారని హెచ్చరిస్తున్నారు. చపాతీలను నూనె లేదా నెయ్యి లేకుండా కాల్చడం వల్ల ప్రయోజనం ఉంటుంది. కేవలం చపాతీలే కాకుండా వాటితో పాటు పీచు పదార్థం ఎక్కువగా ఉండే కూరలు, సలాడ్లు తీసుకోవడం వల్ల ఆకలి త్వరగా వేయదు. రాత్రి సమయంలో నిద్రకు రెండు గంటల ముందే భోజనం ముగించడం ఉత్తమ ఫలితాలను ఇస్తుంది.