వరుస విషాదాలు.. శోకసంద్రంలో పార్డి (బి)

కుబీర్ మండలంలోని పార్డి(బి) గ్రామాన్ని వరుస విషాదాలు వెంటాడుతున్నాయి. గ్రామానికి చెందిన గుడాల సాయినాథ్ (47) బ్రహ్మేశ్వర్ జలపాతం గుండంలో మునిగి మృతి చెందాడు. శ్రావణ శనివారం సందర్భంగా శివాలయం దర్శనానికి వెళ్లిన ఆయన స్నానం చేస్తుండగా ఈ దుర్ఘటన చోటుచేసుకుంది. ఇటీవలే నలుగురు గ్రామస్థులను రోడ్డు ప్రమాదంలో కోల్పోయిన విషాదం నుంచి తేరుకోకముందే మరో ప్రాణం పోవడంతో గ్రామంలో తీవ్ర విషాదం నెలకొంది.