విద్యుత్‌ సరఫరాపై రైతుల ఆగ్రహం

రామాయంపేట మండలం కోనాపూర్‌ విద్యుత్‌ సబ్‌స్టేషన్‌ వద్ద సరఫరా సక్రమంగా లేకపోవడంతో రైతులు అధికారులపై ఆగ్రహం వ్యక్తం చేశారు. ఈ విషయమై ఏఈ తిరుపతిరెడ్డితో వాగ్వాదానికి దిగారు. గతంలో ఉన్న విద్యుత్‌ లైన్‌ను మార్చడంతో సరఫరాలో అంతరాయం ఏర్పడుతోందని రైతులు ఆరోపించారు. సమస్యను వెంటనే పరిష్కరించి పంటలు ఎండిపోకుండా చూడాలని అధికారులను కోరారు.