ఇరాన్‌పై గెలుపు.. భారత్‌కు పతకం ఖాయం

ఆసియా క్రీడల్లో భారత మహిళల కబడ్డీ జట్టు సెమీఫైనల్‌కు దూసుకెళ్లింది. బుధవారం గ్రూప్‌-ఏ రెండో మ్యాచ్‌లో ఇరాన్‌పై 37-23 తేడాతో విజయం సాధించింది. తొలి అర్ధభాగంలో 19-15తో ఆధిక్యంలో ఉన్న భారత్‌.. రెండో భాగంలోనూ పట్టు కొనసాగించి మ్యాచ్‌ను సొంతం చేసుకుంది. ఇరాన్‌ రైడర్‌ సానియా మరానీని భారత డిఫెన్స్‌ సమర్థంగా అడ్డుకుంది. పూజా కీలకమైన రెండు పాయింట్ల రైడ్‌తో భారత్‌ను ఆల్‌అవుట్‌ నుంచి కాపాడింది.