వనపర్తి జడ్పీహెచ్‌ఎస్‌ భవన పనులు వేగవంతం చేయాలి

వనపర్తి జడ్పీహెచ్‌ఎస్‌ బాలుర ఉన్నత పాఠశాల, జూనియర్‌ కళాశాల నూతన భవన పనులను వేగవంతం చేయాలని కలెక్టర్‌ ఆదర్శ్‌ సురభి ఆదేశించారు. బుధవారం పనులను పరిశీలించిన ఆయన జాప్యంపై అసంతృప్తి వ్యక్తం చేశారు. ఈ నెలాఖరులోగా బేస్‌ పనులు పూర్తి చేయాలని సూచించారు. సీఎం రేవంత్‌రెడ్డి ఈ పాఠశాలలో చదివిన నేపథ్యంలో ప్రభుత్వం ప్రత్యేక శ్రద్ధ చూపుతోందని, నాణ్యతతో పనులు పూర్తి చేయాలని తెలిపారు.