నిరుపయోగంగా డబుల్ బెడ్రూం ఇళ్లు

మిర్యాలగూడ శివారులో 560 రెండు పడక గదుల ఇళ్ల నిర్మాణం పూర్తయినా, మౌలిక వసతుల కల్పనలో తాత్సారం వల్ల అవి నిరుపయోగంగా మారాయి. పంపిణీ ఆలస్యంతో ఇప్పటికే అనేక ఇళ్లు దెబ్బతిన్నాయి. మరమ్మతులు పూర్తి చేసి ఇళ్లను పంపిణీకి సిద్ధం చేస్తున్నామని అధికారులు చెబుతున్నప్పటికీ, అర్హుల ఎంపికలో వివాదాలు, పంపిణీలో రాజకీయ జాప్యం పేదలను ఆందోళనకు గురిచేస్తున్నాయి. ప్రభుత్వం తక్షణమే స్పందించి ఇళ్లను లబ్ధిదారులకు అందించాలని ప్రజలు కోరుతున్నారు.