యూపీఐ ద్వారా పీఎఫ్ విత్‌డ్రా సదుపాయం

పీఎఫ్ ఖాతాదారులకు మరింత సులభంగా సేవలు అందించేందుకు ఈపీఎఫ్ఓ (EPFO) యూపీఐ ద్వారా నగదు విత్‌డ్రా చేసుకునే కొత్త సదుపాయాన్ని తీసుకువస్తోంది. ఇందుకు సంబంధించిన పరీక్షలు ఇప్పటికే పూర్తయ్యాయని, ఈ సేవలు త్వరలోనే అందుబాటులోకి వస్తాయని కేంద్ర మంత్రి మన్సుఖ్ మాండవీయ ఇటీవల ధ్రువీకరించారు. ఖాతాదారులు ఉమంగ్ (UMANG) యాప్‌లో తమ యూపీఐ ఐడీ, పిన్ ఉపయోగించి సులభంగా నగదు ఉపసంహరించుకోవచ్చు. ఈ విధానంలో గరిష్ఠంగా ఎంత మొత్తం విత్‌డ్రా చేసుకోవచ్చనే వివరాలు కూడా యాప్‌లోనే కనిపిస్తాయని అధికారులు స్పష్టం చేశారు.