ఖమ్మంలో మొక్కజొన్న రైతులకు అందని బకాయిలు

ఖమ్మం జిల్లాలో రబీ సీజన్‌లో మొక్కజొన్న విక్రయించిన దాదాపు 20 వేల మంది రైతులకు ఇంకా ప్రభుత్వం నుంచి చెల్లింపులు అందలేదు. సుమారు రూ. 300 కోట్ల బకాయిలను వెంటనే విడుదల చేయాలని రైతులు డిమాండ్ చేస్తున్నారు. ఖరీఫ్ సీజన్ ప్రారంభమైనా ప్రభుత్వం స్పందించకపోవడంపై రైతులు ఆందోళన చెందుతున్నారు. పాత రుణాలకు కాకుండా, నేరుగా రైతుల ఖాతాల్లోనే డబ్బు జమ చేయాలని రైతు సంఘాలు ప్రభుత్వాన్ని కోరుతున్నాయి.