శ్రీకాకుళం లో లారీ-ఆటో ఢీకొని ముగ్గురు మహిళలు మృతి

శ్రీకాకుళం జిల్లా జమేదారిపుట్టుగ వద్ద జాతీయ రహదారిపై ఆదివారం తెల్లవారుజామున ఘోర రోడ్డు ప్రమాదం జరిగింది. రోడ్డు పక్కన ఆగి ఉన్న ట్రాలీ ఆటోను పలాస వైపు నుంచి వేగంగా వచ్చిన లారీ బలంగా ఢీకొట్టింది. ఈ ప్రమాదంలో ఆటోలో ఉన్న ముగ్గురు మహిళలు అక్కడికక్కడే మృతి చెందగా, మరో ఇద్దరి పరిస్థితి విషమంగా ఉంది. మృతులను పార్వతి, పద్మమ్మ, తరినమ్మలుగా గుర్తించారు. కవిటి పోలీసులు కేసు దర్యాప్తు చేస్తున్నారు.