చైనాలో 108 అంతస్తుల భవనాన్ని ఢీకొట్టిన విమానం

చైనా రాజధాని బీజింగ్‌లో ఓ చిన్న విమానం ఏకంగా 108 అంతస్తుల భారీ భవనాన్ని బలంగా ఢీకొట్టింది. శుక్రవారం సాయంత్రం జరిగిన ఈ ఘటనతో స్థానికులు తీవ్ర భయాందోళనకు గురయ్యారు. భవనం కింద విమాన శకలాలు చెల్లాచెదురుగా పడ్డాయి. వెంటనే అప్రమత్తమైన అధికారులు ముందుజాగ్రత్తగా భవనంలోని ప్రజలను సురక్షితంగా బయటకు తీసుకొచ్చారు. ఘటనా స్థలానికి చేరుకున్న పోలీసులు, ఫైర్ ఇంజిన్లు సహాయక చర్యలు చేపట్టాయి. అయితే, ఈ ప్రమాదం ఎలా జరిగింది? ఎవరైనా ప్రాణాలు కోల్పోయారా? అనే విషయాలపై అధికారులు ఇంకా ఎలాంటి ప్రకటన చేయలేదు.