ఇది సినిమా కాదు, మానవీయ అనుభవం

ట్రాన్స్‌జెండర్ల జీవితాల నేపథ్యంతో కోర్ట్‌రూమ్ డ్రామాగా తెరకెక్కిన 'ఎల్‌.జి.బి.టి' చిత్రం జూన్ 19న విడుదలవుతోంది. సమాజంలో నిర్లక్ష్యానికి గురవుతున్న వారి సమస్యలను, న్యాయపోరాటాన్ని ఈ చిత్రం ద్వారా బలంగా చూపిస్తున్నామని దర్శకుడు సునీల్‌కుమార్ రెడ్డి బుధవారం తెలిపారు. రాజ్యాంగం కల్పించిన గౌరవం, సమానత్వం అందరికీ దక్కాలనే ఉద్దేశంతోనే దీనిని నిర్మించామన్నారు. ఎల్‌.బి.శ్రీరామ్, ఎస్తర్ ప్రధాన పాత్రలు పోషించిన ఈ చిత్రం కేవలం సినిమా కాదని, ఒక గొప్ప మానవీయ అనుభవమని ఆయన స్పష్టం చేశారు.