'ది ప్యారడైజ్‌' విడుదలపై క్లారిటీ

నాని నటిస్తున్న ‘ది ప్యారడైజ్‌’ విడుదల తేదీలో ఎలాంటి మార్పు లేదని చిత్రబృందం స్పష్టం చేసింది. సెప్టెంబరు 24న సినిమా విడుదల కానుంది. 23న రాత్రి ప్రత్యేక ప్రీమియర్లు నిర్వహించేందుకు సన్నాహాలు చేస్తోంది. శ్రీకాంత్‌ ఓదెల దర్శకత్వం వహిస్తున్న ఈ చిత్రంలో నాని ‘జడల్‌’గా కనిపించనున్నారు. ‘దసరా’ తర్వాత నాని, శ్రీకాంత్‌ కాంబినేషన్‌లో వస్తున్న సినిమా కావడంతో దీనిపై ఆసక్తి నెలకొంది.