తెలంగాణ టెట్ షెడ్యూల్ విడుదల: జూన్ 16 నుండి పరీక్షలు

తెలంగాణ ఉపాధ్యాయ అర్హత పరీక్ష (TS TET) 2026 పరీక్షల షెడ్యూల్‌ను విద్యాశాఖ విడుదల చేసింది. జూన్ 16 నుండి 22 వరకు పూర్తిగా ఆన్‌లైన్ విధానంలో ఈ పరీక్షలు జరగనున్నాయి. ప్రతిరోజూ ఉదయం, మధ్యాహ్నం రెండు షిఫ్టుల్లో అధికారులు పరీక్షలను నిర్వహించనున్నారు. మొత్తం 150 మార్కులకు జరిగే ఈ పరీక్షలో ఉత్తీర్ణత మార్కులను కూడా వెల్లడించారు. క్వాలిఫై కావడానికి జనరల్ అభ్యర్థులకు 60 శాతం, బీసీలకు 50 శాతం, ఎస్సీ, ఎస్టీ మరియు దివ్యాంగులకు 40 శాతం మార్కులు తప్పనిసరిగా రావాలని అధికారులు స్పష్టం చేశారు.