తెలంగాణలో ఎంబీబీఎస్ విద్యార్థుల ఫీజుల దోపిడీ

తెలంగాణలోని కొన్ని ప్రైవేట్ మెడికల్ కాలేజీలు నిబంధనలకు విరుద్ధంగా ఎంబీబీఎస్ విద్యార్థుల నుంచి ఐదు సంవత్సరాలకు ఫీజులు వసూలు చేస్తూ తీవ్ర ఇబ్బందులకు గురిచేస్తున్నాయి. వాస్తవానికి నాలుగున్నర సంవత్సరాలకే ఫీజులు తీసుకోవాల్సి ఉండగా, అదనపు వసూళ్లకు పాల్పడుతున్నాయి. కాళోజీ యూనివర్సిటీ, టీఏఎఫ్‌ఆర్‌సీ ఆదేశాలను బేఖాతరు చేస్తూ లైబ్రరీ మరియు ఇతర ఖర్చుల పేరుతో అదనపు మొత్తాలు దండుకుంటున్నాయి. విద్యార్థులపై పడుతున్న ఈ ఆర్థిక భారాన్ని నివారించి, తక్షణ చర్యలు తీసుకోవాలని తల్లిదండ్రుల సంఘం ప్రభుత్వాన్ని కోరుతోంది.