తాడేపల్లి ఎస్సీ కాలనీలో కలుషిత నీటి సమస్య

తాడేపల్లి రన్నింగ్ రూమ్ సెంటర్ ఎస్సీ కాలనీలోని డ్రైనేజీ గుండా వెళ్తున్న మంచినీటి పైపును పక్కకు తొలగించాలని సీపీఎం నాయకులు డిమాండ్ చేశారు. ఈ మేరకు మంగళవారం 6వ వార్డు సచివాలయ అధికారులకు వినతిపత్రం సమర్పించారు. సైడ్ కాలువలోనే పైపు ఉండటం వల్ల మురుగునీరు కలసి మంచినీరు కలుషితమవుతోందని, దీనివల్ల ప్రజల ఆరోగ్యం దెబ్బతినే ప్రమాదముందని ఆందోళన వ్యక్తం చేశారు. అధికారులు తక్షణమే స్పందించాలని కోరారు.