బస్తీ దవాఖానల్లో ఆకస్మిక తనిఖీలు

హైదరాబాద్‌లోని 169 బస్తీ దవాఖానల పనితీరు, వైద్య సేవల నాణ్యతను పరిశీలించేందుకు ప్రత్యేక అధికారులను నియమించినట్లు మంత్రి పొన్నం ప్రభాకర్ తెలిపారు. పేదలకు మెరుగైన ఉచిత వైద్యం అందించడమే లక్ష్యంగా ఈ నిర్ణయం తీసుకున్నారు. నేటి నుంచి జీహెచ్ఎంసీ కమిషనర్, కలెక్టర్‌తో కలిసి తానే స్వయంగా క్షేత్రస్థాయి పరిశీలనలు చేయనున్నట్లు మంత్రి పేర్కొన్నారు. స్థానిక ఎమ్మెల్యేలు, ప్రజాప్రతినిధులు కూడా ఈ తనిఖీల్లో విధిగా పాల్గొనాలని ఆయన సూచించారు.