తీర్పులపై హైకోర్టులకు సుప్రీంకోర్టు ఆదేశాలు

హైకోర్టుల్లో తీర్పు రిజర్వ్ చేసిన తర్వాత, గరిష్టంగా మూడు నెలల్లోపు దానిని వెలువరించాలని సుప్రీంకోర్టు ఆదేశించింది. ఒకవేళ ఈ గడువులోగా తీర్పు ఇవ్వకపోతే, ఆ కేసును మరో బెంచ్‌కు బదిలీ చేయాలని స్పష్టం చేసింది. జాప్యాన్ని నివారించేందుకు ధర్మాసనం ఈ కీలక మార్గదర్శకాలను జారీ చేసింది. ముఖ్యంగా బెయిల్ దరఖాస్తులపై సాధ్యమైనంత త్వరగా లేదా మరుసటి రోజే తీర్పు ఇవ్వాలని పేర్కొంది. బెయిల్ ఆర్డర్లను వెంటనే జైలు అధికారులకు పంపి, ఖైదీలను త్వరగా విడుదల చేయాలని సూచించింది.