సుఖోయ్-57 తయారీ: భారత్‌తో రష్యా సహకారం

భారత్‌తో కలిసి ఐదో తరం స్టీల్త్ యుద్ధ విమానం 'సుఖోయ్-57'ను సంయుక్తంగా అభివృద్ధి చేయడానికి సిద్ధంగా ఉన్నట్లు రష్యా అధ్యక్షుడు పుతిన్ ప్రకటించారు. రక్షణ రంగంలో భారత్‌తో వ్యూహాత్మక భాగస్వామ్యాన్ని మరింత బలోపేతం చేసేందుకు రష్యా ఆసక్తిగా ఉందని, దీనిపై ఎటువంటి ఒత్తిడి ఉండబోదని ఆయన స్పష్టం చేశారు. అయితే, ఈ కీలక రక్షణ ఒప్పందంపై తుది నిర్ణయం తీసుకోవాల్సింది భారత రక్షణ శాఖేనని విదేశాంగ శాఖ పేర్కొంది. అత్యంత ఆధునికమైన ఈ యుద్ధ విమాన తయారీలో భాగస్వామ్యం వహిస్తే, భారత వైమానిక శక్తికి ఇది భారీ ఊతమిస్తుందని రక్షణ రంగ నిపుణులు విశ్లేషిస్తున్నారు.