వర్షాల వేళ తక్షణ స్పందనకు ఎస్‌వోపీ

భారీ వర్షాలు, వరదల సమయంలో వేగంగా స్పందించేందుకు ప్రత్యేక 'ఎస్‌వోపీ' వ్యవస్థను అమలు చేస్తున్నట్లు మంత్రి కోమటిరెడ్డి వెంకట్‌రెడ్డి తెలిపారు. ముందస్తు చర్యలతో నష్టాన్ని తగ్గించి, రవాణా వ్యవస్థను క్రమబద్ధీకరించడమే దీని ప్రధాన ఉద్దేశ్యం. అత్యవసర సామగ్రిని సిద్ధంగా ఉంచాలని, సిబ్బంది సెలవులను రద్దు చేయాలని అధికారులను మంత్రి ఆదేశించారు. దెబ్బతిన్న రోడ్లను వెంటనే పునరుద్ధరించి, హెచ్చరిక బోర్డులను ఏర్పాటు చేయాలని ఆయన సూచించారు.