సోన్ మండలంలో ఆయిల్ పామ్ తోటల పరిశీలన..

సోన్ మండలంలోని గాంధీనగర్ లో ఉద్యానవన అధికారిణి మౌనిక ఆయిల్ పామ్ తోటలను పరిశీలించారు. సిగ్నెట్ కంపెనీ డిసిఓ, రైతులతో కలిసి క్షేత్రస్థాయిలో పర్యటించారు. ఈ సందర్భంగా ఆమె మాట్లాడుతూ.. రైతులు ఆధునిక యాజమాన్య పద్ధతులు పాటిస్తూ, క్రమం తప్పకుండా నీరు, ఎరువులు అందించి అధిక దిగుబడులు సాధించాలని సూచించారు. తెగుళ్ల నివారణకు తగిన సస్యరక్షణ చర్యలు చేపట్టాలని, ఏదైనా సమస్య ఉంటే అధికారులను సంప్రదించాలని తెలిపారు.