ధరణి అక్రమాలపై 'సిట్' దర్యాప్తు: ప్రభుత్వం సిద్ధం

ధరణి పోర్టల్ ద్వారా జరిగిన భూ అక్రమాలపై విచారణకు ప్రత్యేక దర్యాప్తు బృందాన్ని (SIT) ఏర్పాటు చేసేందుకు ప్రభుత్వం సిద్ధమవుతోంది. 2020 నుంచి జరిగిన ప్రభుత్వ భూముల బదిలీలు, భూ యజమానుల మార్పులు, సాంకేతిక దుర్వినియోగంపై ఈ బృందం లోతుగా పరిశీలించనుంది. ఈ సిట్‌లో రెవెన్యూ, పోలీస్, సైబర్ క్రైమ్, ఐటీ శాఖల అధికారులు సభ్యులుగా ఉంటారు. పలు జిల్లాల్లో వెలుగుచూసిన అనుమానాస్పద లావాదేవీల ఆధారంగా విచారణ జరిపి నివేదిక సమర్పించనున్నారు.