సరికొత్త రికార్డు సృష్టించిన సిక్కిం

సిక్కిం ప్రభుత్వం సరికొత్త చరిత్ర సృష్టించింది. దేశంలోనే మొట్టమొదటి 'హిమాలయన్ స్పెషాలిటీ కాఫీ ఇంపాక్ట్ డిస్ట్రిక్ట్'ను ఉత్తర సిక్కింలో ఘనంగా ప్రారంభించింది. అంతర్జాతీయ సేంద్రీయ బ్రాండ్‌ను బలోపేతం చేస్తూ, ప్రపంచ స్థాయి కాఫీ పరిశ్రమను అభివృద్ధి చేయడమే ఈ ప్రాజెక్ట్ ముఖ్య లక్ష్యం. మంగన్‌లోని కేవీకే హాల్‌లో మంత్రి పింట్సో నామ్‌గ్యాల్ లెప్చా దీనిని ప్రారంభించారు. సిక్కిం హార్టికల్చర్ శాఖ, అగ్రిఇంపాక్ట్ వెంచర్స్, సోషియోలాడర్ గ్రూప్ మరియు కాఫీ బోర్డ్ ఆఫ్ ఇండియా సంయుక్త భాగస్వామ్యంతో ఈ ల్యాండ్‌మార్క్ పబ్లిక్-ప్రైవేట్ ప్రాజెక్ట్ రూపుదిద్దుకుంది.