సిద్దిపేటలో 330 సీసీ కెమెరాల ప్రారంభం

‘సిద్దిపేట సురక్ష నేత్ర’ కార్యక్రమంలో భాగంగా జిల్లావ్యాప్తంగా ఒకేరోజు 330 సీసీ కెమెరాలను ప్రారంభించినట్లు సీపీ రష్మీ పెరుమాళ్ తెలిపారు. ఇప్పటివరకు జిల్లాలో 1,400కు పైగా సీసీ కెమెరాలు ఏర్పాటు చేసినట్లు ఆమె వెల్లడించారు. నేరాల నియంత్రణలో ఈ కెమెరాలు ‘మూడో కన్ను’లా పనిచేస్తాయని ఆమె పేర్కొన్నారు. అలాగే, ప్రజలందరూ సైబర్ మోసాల పట్ల అత్యంత అప్రమత్తంగా ఉండాలని ఈ సందర్భంగా ఆమె సూచించారు.