అన్నవరంలో సత్యదేవుని సేవ

అన్నవరం దేవస్థానంలో శనివారం సత్యనారాయణ స్వామివారి ప్రాకారసేవ వేడుక ఘనంగా జరిగింది. ఉత్సవమూర్తులను తిరుచ్చీపై ఆశీనులను చేసి అర్చకస్వాములు ప్రత్యేక పూజలు నిర్వహించారు. వేదమంత్రాలు, మంగళవాయిద్యాల నడుమ స్వామివారిని ఆలయ ప్రాకారం చుట్టూ మూడుసార్లు ఊరేగించారు. ఈ శోభాభరిత సేవలో పాల్గొని భక్తులు తారకమంత్రం స్మరిస్తూ దర్శించుకున్నారు.