మేడ్చల్‌లో ఘోర రోడ్డు ప్రమాదం

మేడ్చల్ జిల్లాలో గురువారం జరిగిన ఘోర రోడ్డు ప్రమాదంలో ఒకే కుటుంబానికి చెందిన ముగ్గురు వ్యక్తులు ప్రాణాలు కోల్పోయారు. అతివేగంగా వస్తున్న కారు అదుపుతప్పి డివైడర్‌ను ఢీకొట్టి, ఎదురుగా వస్తున్న లారీని బలంగా ఢీకొనడంతో ఈ విషాదం చోటుచేసుకుంది. ప్రమాద తీవ్రతకు కారు నుజ్జునుజ్జయింది. పోలీసులు ఘటనా స్థలానికి చేరుకుని మృతదేహాలను పోస్టుమార్టం నిమిత్తం తరలించారు. ప్రాథమికంగా అతివేగమే ప్రమాదానికి కారణమని గుర్తించిన పోలీసులు, కేసు నమోదు చేసి దర్యాప్తు చేస్తున్నారు.