ఎస్‌బీఐ కార్డు లోపం: సిబిల్ స్కోర్ డౌన్

ఎస్‌బీఐ క్రెడిట్ కార్డు బిల్లింగ్ విధానంలో సాంకేతిక లోపం కారణంగా జులై నెల బిల్లులు గడువులోగా చెల్లించినా ఓవర్‌డ్యూ అని చూపిస్తోంది. ఈ పొరపాటు వల్ల తమ క్రెడిట్ స్కోరు 50 నుండి 70 పాయింట్ల వరకు పడిపోయిందని వినియోగదారులు ఆందోళన వ్యక్తం చేస్తున్నారు. సామాజిక మాధ్యమాల్లో స్క్రీన్‌షాట్లు షేర్ చేస్తూ కస్టమర్లు ఫిర్యాదులు చేస్తున్నారు. ఈ స్కోర్ తగ్గడం వల్ల భవిష్యత్తులో కొత్త బ్యాంక్ రుణాలు లేదా క్రెడిట్ కార్డులు పొందడంలో ఇబ్బందులు ఎదురవుతాయని వారు తీవ్రంగా వాపోతున్నారు.